Skip to main content

Posts

Showing posts from October, 2017
1 Petera 5:9 "Rinnaah hian ding nghet tlat ula, amah chu do rawh u. Khawvel hmun danga in unaute pawhin chutiang bawk chu an tuar tih in hre si a."✝
1 Petera 5:7 "In manganna zawng zawng ama chungah nghat vek rawh u; a ngaihtuah em em che u a ni."✝
1 Petera 4:16 "Kristian in nih avanga tuar in nih chuan in zak tur a ni lo, Krista hming in put avangin Pathian chawimawi zawk rawh u."✝
1 Petera 4:8 "Thil dang zawng aiin thinlung taka inhmangaih tawn uar rawh u, hmangaihnain sual tam tak a khuh si a."✝
1 Petera 3:8 "A tawp berah chuan, in za-in rilru hmun khat pu u la, inlainatin unau angin inhmangaih tawn u la, inkhawngaih tawnin thuhnuairawlh takin awm rawh u;"✝
1 Petera 3:9 "Sual sualin thungrul suh u la, anchhia pawh anchhiaa thungrul loin, malsawm hlauh zawk rawh u; malsawmna dawng turin a sin Pathianin a koh che u."✝
1 Petera 2:18 "Nangni chhiahhlawhte u, in pute thu awih u la, a țha leh a ngilneite chauh ni loin, a țha lote pawh zah rawh u:"✝
1 Petera 2:11 "Duh takte u, khual zin, mi rama awm in nih avangin, thlarau do țhin tisa chaknate lakah chuan inthiarfihlim turin ka ngen a che u."✝
1 Petera 2:1 "Chutichuan, sual chi tinreng bansan rawh u, inbum te, vervek te, itsik te, insawichhiat zawng zawng te bansan ula;"✝
1 Petera 1:15 "A kotu che u a thianghlim angin nangni pawh in chet dan zawng zawngah lo thianghlim zawk rawh u."✝
Jakoba 5:14 "In zingah damlo an awm em? Kohhran upa kohtir se la, anni'n Lalpa hminga hriak hnawihin a tan țawngțai rawh se;"✝
Jakoba 4:8 "Pathian hnaih rawh u, ani pawhin a hnaih ang che u. Mi sualte u, in kutte sil fai u la, mi vervekte u, in thinlung tithianghlim rawh u."✝
Jakoba 3:10 "Ka pakhat ațangin fakna leh anchhia a chhuak țhin. Ka unaute u, chutiang tur a ni lo ve."✝
Jakoba 2:14 "Ka unaute u, miin, 'Rinna ka nei,' ti se la, a thiltihah tilang si lo se la, eng nge a sawtna? Chutiang rinna chuan a chhandam thei ang em?"✝
Jakoba 2:13 "#Khawngaihna tel loa thil titu chu khawngaihna tel loa relsak a ni ang, mi khawngaih thei erawh chuan #rorelna hlauh tur a nei lo."✝
Jakoba 1:14 "Mi tin hi mahni chakna suala thlem an ni țheuh zawk a, chu chuan a hipin a hruai bo țhin a ni."✝
Jakoba 1:19 "Ka unau duh takte u, heng hi hre rawh u. Mi tinin ngaihthlak lam uar sela, sawi lam chuh loin dawh thei rawh se;"✝
Jakoba 1:5 "In zingah tu pawhin finna a tlakchham chuan, mi zawng zawng hnena hau loa phal taka pe țhintu Pathian chu dil rawh se, pek a ni ang."✝
Thuhriltu 7:18 "A eng zawk zawk mah hi uar lutuk suh, Pathian țih phawt mai la, i hlawhtling zel ang."✝
Thuhriltu 1:9 "Thil awm tawh chu a lo awm leh ang a, tih tawh pawh chu an ti leh ang, van hnuaiah thil thar reng a awm lo ve."✝
Johana 3:16 "Pathianin khawvel a hmangaih em em a; tichuan, a Fapa mal neih chhun a pe a, amah ring tawh phawt chu an boral lohva, chatuan nun an neih zawk nan."✝
1 Timothea 6:1 "Pathian hming leh a zirtirna thu sawichhiata a awm lohna'n, bawih nghawngkawl bat apiangte chuan anmahni pute engkimah chawimawi tlakah ngai rawh se."✝
1 Timothea 6:17 "He mi khawvela hausate hi chapo lo tur leh sum rinawm loah hian an beiseina nghat lo a, thil zawng zawng lawmna tura tam taka min petu Pathian chungah chuan nghat zawk turin zilh rawh;"✝