Skip to main content

Posts

Showing posts from 2017

Daniela 2:20-21

Daniela 2:20-21 "Pathian hming chu kumkhaw tlaitluanin fakin awm rawh se: Finna leh thiltihtheihna a ta a ni si a: Hunte leh hunbite a tidanglam a: Lalte a sawn bo a, lalte a tungding a: mifing hnenah a finna a pe a, hrethiamtu hnenah hriatna a pe a:"✝

Luka 14:12-14

Luka 14:12-14 "Chhunah emaw, zanah emaw ruai i țheh hunin i țhiante, i unaute, i laichinte, i veng hausate chu sawm suh ang che; chutilochuan an sawm ve leh ang chia, an rul leh kher ang che. Ruai i țheh hun chuan pachhiate, piangsualte, kebaite, mitdelte sawm zawk ang che; tichuan chung ang chuan rulhna tur che an neih loh avangin i eng a thawl ang; mi felte thawhleh hunah rulh leh i ni dawn si a,"✝
3 Johana 1:11 "Duh tak, sual chu zir suh la, țha chu zir zawk ang che. Thil țha titu chu Pathian laka mi a ni; thil sual titu chuan Pathian a hmu ngai lo."✝
2 Johana 1:7 "Bumtu tam tak – Isua Krista chu tisain a lo kal tih țan lotute kha – khawvelah hian an lo chhuak ta si a. Chutiang mi chu a ni, bumtu leh Krista dodaltu chu."::
1 Johana 1:9 "Kan sualte thupha kan chawi chuan kan sualte ngaidam tur leh kan fel lohna zawng zawng tlengfai turin amah chu a rinawmin a fel a ni."✝
Marka 7:15 "Pawn lam ațanga mihring chhunga lut eng mahin amah a tibawlhhlawh thei lo, mihring chhung lam ațanga lo chhuak zawk chu a ni amah tibawlhhlawh țhintu chu,"✝
2 Petera 3:17 "Duh takte u, nangni zawngin in hre tawh a, fimkhur rawh u; chuti lo zawng pawisak nei lote'n an hruai bo ang che u a, in nghet țha lai in tlu hlauh dah ang e."✝
1 Petera 5:9 "Rinnaah hian ding nghet tlat ula, amah chu do rawh u. Khawvel hmun danga in unaute pawhin chutiang bawk chu an tuar tih in hre si a."✝
1 Petera 3:8 "A tawp berah chuan, in za-in rilru hmun khat pu u la, inlainatin unau angin inhmangaih tawn u la, inkhawngaih tawnin thuhnuairawlh takin awm rawh u;"✝
1 Petera 3:9 "Sual sualin thungrul suh u la, anchhia pawh anchhiaa thungrul loin, malsawm hlauh zawk rawh u; malsawmna dawng turin a sin Pathianin a koh che u."✝
1 Petera 2:11 "Duh takte u, khual zin, mi rama awm in nih avangin, thlarau do țhin tisa chaknate lakah chuan inthiarfihlim turin ka ngen a che u."✝
Jakoba 4:8 "Pathian hnaih rawh u, ani pawhin a hnaih ang che u. Mi sualte u, in kutte sil fai u la, mi vervekte u, in thinlung tithianghlim rawh u."✝
Jakoba 2:14 "Ka unaute u, miin, 'Rinna ka nei,' ti se la, a thiltihah tilang si lo se la, eng nge a sawtna? Chutiang rinna chuan a chhandam thei ang em?"✝
Jakoba 2:13 "#Khawngaihna tel loa thil titu chu khawngaihna tel loa relsak a ni ang, mi khawngaih thei erawh chuan #rorelna hlauh tur a nei lo."✝
Jakoba 1:5 "In zingah tu pawhin finna a tlakchham chuan, mi zawng zawng hnena hau loa phal taka pe țhintu Pathian chu dil rawh se, pek a ni ang."✝
Johana 3:16 "Pathianin khawvel a hmangaih em em a; tichuan, a Fapa mal neih chhun a pe a, amah ring tawh phawt chu an boral lohva, chatuan nun an neih zawk nan."✝
1 Timothea 6:1 "Pathian hming leh a zirtirna thu sawichhiata a awm lohna'n, bawih nghawngkawl bat apiangte chuan anmahni pute engkimah chawimawi tlakah ngai rawh se."✝
1 Timothea 6:17 "He mi khawvela hausate hi chapo lo tur leh sum rinawm loah hian an beiseina nghat lo a, thil zawng zawng lawmna tura tam taka min petu Pathian chungah chuan nghat zawk turin zilh rawh;"✝
Rom 13:7 "Mi zawng zawng hnenah pek tur apiang pe rawh u; leiman pekna tura hnenah chuan leiman pe u la; chhiah chawina tura hnenah chuan chhiah chawi u la; țih tura chu țih u la; pawisak tura chu pawisa rawh u."✝
Thuhriltu 6:3 "Miin fa za pawh hring se la, kum tak tak damin, a dam kum nite chu tam hle mah se, a dam lai thil țha chen loa, phum pawh a hlawh si loh chuan, ani ai chuan a hun loa pian pawh tha ka ti zawk."::
Rom 13:1 "Mi tin an chunga roreltute thu thuin awm rawh se. Pathian thu loin tumah roreltu an awm si lo; roreltua awmte hi Pathian ruat an ni."::
2 Lalte 19:31 "Jerusalem ațangin a la awm chunte Zion tlang ațangin a la damte chu an chhuak dawn a ni: LALPA thahnemngaihna chuan chung chu a ti ang."::
Rom 13:3 "Roreltute chu thil țha titu tan chuan hlauhawm an ni lo a; thil țha lo titu tan erawh chuan hlauhawm an ni. A nih leh, roreltu hlau loa awm i duh em? Thil țha ti la, a fak i hlawh ang chu;"::
Sam 46:3 "A tuite chu ri hum humin phul bulh bulh mah se la, A fawn nasat avangin tlangte hi nghing dur dur mah se la, kan hlau chuang hek lo ang. (Selah)"::
Thufingte 3:9-10 "I sumin LALPA chawimawi la, i thil lo pung hmasa ber zawng zawngte nen; tichuan i buh in chu a lo khat liam ang a, i sawrkhur uain tharin a luang liam ang."::
Thufingte 22:24-25 "Thinrim hmang mi chu țhian suh la, mi thinchhia chu kawp suh; a tih dan i zir ang a, i nunna atan thang i tawng dah ang e."::