Skip to main content

Posts

Showing posts from 2015
Luka 4:18-19 "Riangvaite hnenah Chanchin Țha hril tura mi ruat avangin Lalpa Thlarau chu ka chungah a awm; Ani chuan salte hnena chhuahna thu leh, Mitdelte hnena mitvar neih lehna thu sawi tur te, tihduhdah tuarte chhuahtirna tur te, Lalpa lungawi kum thu sawi tur tein, mi tir a ni,"::
Johana 21:18 "Tih tak meuhin, tih tak meuhin ka hrilh a che, i naupan lai khan i taiah i inhreng a, i duhna apiangah i kal țhin a; nimahsela i upat hunah i kutte i phar ang a, mi dangin an hrensak ang chia, i duh lohna lamah an kai ang che,"::
Sam 23:5-6 "Mi dotute mit hmuhah ka hmaah hian dawhkan i buatsaih thin a: Ka lu hi hriak i thih tawh a, ka noah hian a liam reng a. Matheiloin i țhatna leh ngilneihnain ka dam chhung zawng hian mi zui zel ang a: Tichuan LALPA inah kumkhuain ka awm reng ang."::
Nahuma 1:7-8 "LALPA chu a tha a, mangan nia kulh nghet a ni; amaha an rinna nghat tute chu a hria. Amah dotute erawh chu tui lian nasa tak hmangin a tiboral vek ang a, a hmelmate chu khawthimah a um lut ang."::
1 Petera 3:3-4 "In incheina chu pawn lam incheina – sam phiar te, rangkachak thi awrh te, silhfena inthuam te chu – ni loin, thinlunga mihring thuruk chu, rilru thuhnuairawlh leh nunnem, silhfen chhe thei loa inthuam ni zawk rawh se, chu chu Pathian mithmuhin a hlu em em a ni."::
1 Petera 1:24-25 "Mi zawng zawng hlobet ang an ni a, an ropuina zawng zawng pawh hlobet par ang a ni. Hlobet chu a vuai a, Lalpa thu erawh chu chatuanin a awm reng a ni," tih a ni si a. Chu chu a ni Chanchin Țha thu an hrilh che u kha."::
Sam 46:1-3 "Pathian chu kan inhumhimna leh kan chakna, mangan laia tanpui vartu hnai reng a ni. Chuvangin leilung hi lo danglamin, tlangte hi tuifinriat chhung daihah insawn mah se la kan hlau lo ang; A tuite chu ri hum humin phul bulh bulh mah se la, a fawn nasat avangin tlangte hi nghing dur dur mah se la, kan hlau chuang hek lo ang." #Selah::